Cалтанатты жиынға Талдықорған қалалық полиция басқармасының аға жедел уәкілі полиция майоры Ж.Г.Сарсенов, ТЖ басқармасының қызметкері Т.Б.Койшыбаев, құқық және әдеп менторы Б.У.Жақсыгелдинов, құрметті қонақ ретінде қатысып, мектеп табалдырығын аттаған кішкентай бүлдіршіндерге жүрек жарды тілегін арнады.
Салтанатты жиында мектеп директоры Замзина Қарлығаш Келісқызы арнауын жолдап, барша ата-аналарды, мектеп білімгерлерін және мектеп табалдырығын алғаш аттаған бүлдіршіндерді білім күнімен шын жүректен құттықтады. Жылдың үздік оқушыларын арнайы «Мақтау қағазымен» марапаттады. Ата-аналар комитетінің төрайымы М.А.Садуакасова барлық балаларға бақыт тілеп, ата-аналарға жүрекжарды ақ тілегін арнады.
Жаңа оқу жылының басталуы қарсаңында білім алушылардың бойында жағымды көңіл-күй, оң көзқарас қалыптастыру мақсатында арнайы бекітілген бағдарлама негізінде 1-сынып жетекшілері салтанатты жиынынан кейін сынып сағаты аясында адам өміріндегі құндылықтардың рөлін талқылауға басты назар аударды.
