DataLife Engine - Softnews Media Group

0 [media=https://youtube.com/shorts/sFYC_daavaU?si=qc55TvWJex-kQKQZ]

0

0 ҚР Оқу-ағарту министрі Ғани Бейсембаев еліміздің құрметті педагогтері, «Қазақстанның Еңбек ері», «Қазақстанның еңбек сіңірген ұстазы» атақтарының иегерлерімен кездесті. 
Олардың қатарында 
мектебіміздің мақтанышы- Светлана Нұрғазықызы да бар. 

 кезегінде министр ұстаздарға ерен еңбегі мен балаларға деген сүйіспеншілігі және жанашырлығы үшін алғыс білдірді. Олардың үздік тәжірибелері мен парасат-пайымдары өңірлерде таратылуы керектігін айтты.

«Ыбырай Алтынсарин «Мұғалім болу – мансап емес, жоғарыдан берілген сый» деп айтқан. Мұғалімнің еңбегі көпқырлы әрі жан-жақты, оңай емес. Ал қазіргі педагог – ол барлық әріптестері үшін көшбасшы және үлгі болуы тиіс. «Қазақстанның Еңбек ері», «Қазақстанның еңбек сіңірген ұстазы» атағын алған мұғалімдер мектепті басқару мәселелеріне, тәрбие ісіне салалық кәсіби сарапшы ретінде қатысуы қажет», – деді Ғани Бейсембаев.

Ұлағатты ұстазымыздың салған сара жолы, кейінгі буын біздерге үлгі. ??? 
Біз Сізді мақтан тұтамыз! 
Қазақ тілі мен әдебиеті бірлестігінің өлшеусіз еңбегіңінің тағы бір үлкен жемісі мен жеңісі. 
?️ ҚТӘ бірлестік жетекшісі 
Дюсембинова Назира Ермуханқызы.

[media=https://youtube.com/shorts/p1QOIRhGYb0?feature=share]

0

0 Наурыз мерекесі ертеден табиғат тазалығы мен адамның ішкі жан-дүниесінің тазалығын сақтап, үйлесімде болуын үндейді. Мерекенің мәні – көктемнен қысқа көшу, табиғаттың (демек, адамдардың да) жаңа өмір бастауы осының нышаны. Бұл кезең символдық мағыналарға толы, оның басты үрдісі – тазару арқылы жаңару.

Тазару рәсімі – үй-жайды, аулаларды тазалап, бұлақтар мен арықтарды аршу, табиғатты қорғау әрі өткеннің сарқыншағынан құтылуды білдіреді. Бұл – табиғатпен үндес болу қажеттігі мен адамның айналасындағы әлемнің бір бөлшегі екенін еске салатын күн. Мағжан Жұмабаев атындағы 19 орта мектеп -гимназиясының “Мейірімді жүрек”еріктілер клубы мүшелері ,”Талдықорған орман шаруашылығы “КММ бірлесіп “Кардон” бұлағының басын тазалады.

0 21 наурыз – Ынтымақ күні. Бұл күннің идеясы – жалпы халық бір-біріне деген сый-құрметтерін арттырып, татулық пен бірлік насихатталады.
Бұл күн ауызбірлік, ортақ құндылықтар мен азаматтық бірегейліктің маңызын түсінуге жетелейді. Ынтымақ күні азаматтарды бейбітшілікке, келісім мен төзімділікке қолдау білдіруге үндеп, әділ және  бақуатты қоғам құруда өзара сыйластықтың, ынтымақтастық пен бір-бірін қолдаудың маңыздылығын көрсетеді. Бұл қоғамдағы қайшылықтарды азайтуға және қоғамның әр түрлі топтары арасындағы түсіністікті арттыруға ықпал етеді.
Ендеше, Ынтымақ күні – мәдени мұрамызды қадірлеп, бір-біріміге деген құрметімізді айшықтап, әралуандығымызды артықшылыққа айналдыратын уақыт.

0 Бүгін Наурызнаманың онкүндігіне сәйкес, 20 наурыз ұлттық спорт түрлері ұлықталатын күн. Мерекеге орай мектебімізде ұлттық спорт түрінен жарыс ұйымдастырылды.

Наурызнаманың «Ұлттық спорт күні» мерекесіне орай, мектеп оқушылары арасында өткізілген жарыстың мақсаты: ұлттық спорт ойындардың мазмұнын дәріптеп, өскелең ұрпаққа жарыс түрінде көрсетіп, қызығушылықтарын арттыру.

 Ата-бабамыздан қалған баға жетпес байлығымыз, асыл қазынамыз Арқан тарту, Бес асық, Асық ату, Тоғызқұмалақ т.б. ұлттық спорт түрлері жастардың нағыз азамат болып қалыптасуына, бойындағы табиғи дарынын шыңдауға, ақыл-ой парасатының толысуына, салауатты өмір салтын ұстанып денсаулыққа аса мән беруіне бағытталған.

0 Наурызнама онкүндігі аясындағы «Жыл басы» күнімен шын жүректен құттықтаймыз!

22 наурыз – халқымыздың дәстүрлері мен құндылықтарына қайта оралудың нышаны әрі жаңа тарихи кезеңнің бастауы. «Жыл басының» маңызы – тарихымызды жалғастырады, өткенмен байланысты нығайтады және болашаққа жол ашады.
Ұлыстың ұлы күні сіздерге ізгі жақсылық, мол қуаныш пен бақуатты береке тілейміз!

0 Хабарландыру! Ата-аналар назарына ! Жетісу  облысы Талдықорған қаласындағы  “М.Жұмабаев атындағы  19 орта мектеп-гимназиясы МДШО”КММ-де 2024 жылдың 1-сәуірінен 31-тамызына дейін 1 сыныпқа қабылдау жүргізілетін болады.
Мектеп Әкімшілігі!

0 «Бір жылдығын ойлаған халық бидай егеді, жүз жылдығын ойлаған халық ағаш егеді» деген ұстаныммен бүгін, 19 наурыз- Жаңару күні аясында қасиетті, Мағжан ата мектебімізде тал егу игі іс-шаралары ұйымдастырылды.
 Атадан балаға мирас болып қалған бұл дәстүрді 11-сыныптың «Алтын белгі» мен Үздік аттестатқа үміткер оқушылары мен ата-аналары Ұлыстың ұлы күнінде кейінгі буынға өнеге көрсету мақсатында жаңа өмірге, жаңа мақсаттарға бағытталған игі жақсылықтың бастамасы екендігін  айқын көрсетті.
 Мектеп директоры Қарлығаш Келісқызы «Атадан мал қалғанша, тал қалсын» деген мағынасы терең, алғыр сөзбен Әз Наурыздағы халықтың алты ай қыстан аман шығып, Жаңару күнінде көктемнің жаңа оянған тыныс-  тіршілігі - жақсылықтың, молшылық пен байлықтың белгісі екендігін айтып өтті.  Сән-салтанаты жарасқан осы күндер жыл бойы жалғасын тауып, мектеп бітіруші түлектердің алдағы ҰБТ-ден де жоғары көрсеткіштерге қол жеткізулеріне ізгі ниетін  білдірді. 
  Мектеп алаңына егілген жеміс ағаштары  пайдаға асып, құстар ұясын салып,өз жемістерін беріп, әрбір білім алушы көлеңкесін саялап, кәдесіне жаратса, нағыз маңызды істің жүзеге асқандығы. Тал егу игі шаралары ары қарай да жалғасын табатындығына хақ сенімдіміз.
 Әз Наурыз құтты болсын, Қазақ жұрты!
 Қазақ тілі мен әдебиеті пәнінің мұғалімі