DataLife Engine - Softnews Media Group

Үстіміздегі жылдың 5 наурыз күні Елбасы Нұрсұлтан Назарбаев қазақстандықтарды баспанамен қамтамасыз етуге бағытталған жаңа бағдарламаны жария етті. «Мен «7-20-25» бағдарламасын іске қосуды ұсынамын. Яғни, әрбір жұмыс істейтін қазақстандық теңгемен ипотекалық займды келесі шарттармен алу мүмкіндігіне ие болады. Аталған бағдарлама бойынша ипотекалық несиенің жылдық мөлшері 7 пайыздан аспайтын, бастапқы жарна 20 пайызға дейін, мерзімі 25 жылға дейін болады», - деді НұрсұлтанНазарбаев.

«7-20-25» бағдарламасы қазір қоғамда қызу талқыланып жатыр. Мектеп ұжымы да осы бағдарламаны талқылап өтті.

Баспаналы болғысы келетіндер енді ипотекадан қорықпайтын болды. - Бұған дейін банктен несие алып, баспана алу расымен де ойлантарлық іс болатын. Қазір кез келген адамға бұл бағдарлама қолжетімді деп ойлаймын. Енді ғана шаңырақ көтерген жас отбасылар үшін 7 пайыздық бағдарлама өте тиімді. Өйткені 25 жылдың ішінде барлық несиені төлеп бітіруге болады. Баспанасы жоқ жандарға бұл үлкен мүмкіндік.

Елеусізова Бибігүл Төлегенқызының 5 "А" сыныбының көшбасшылық қасиеттері, өзін-өзі басқару дағдылары жақсы дамып келе жатыр. "Алғыс айту" күні қарсаңында оқушылар өткізген "Алғысымыз шексіз! " атты тәлім сағаты осының керемет көрінісі.

Мектебіміздің қазақ тілі мен әдебиеті пәні мұғалімі Исаева Светлана Нұрғазықызының атсалысуымен және 9 " А" сынып оқушыларының белсене қатысуымен Ілияс Жансүгіров атамыздың әдеби музейінде ұйымдастырылған "Өлеңнің өрен жүйрігі" атты еске алу кеші жоғары дәрежеде өтті.

Бастауыш мектептің шынашақтай әдемі ұстазы, елінің алпауыт палуаны ДЖИУ ДЖИТСУ бойынша Қазақстан чемпионатында тағы да І орынға иеленді де, Азиялық чемпионатқа қатысуға жолдама алды. Гульмира Нұғманова !!! Құтты болсын жеңісіңіз! Алар асулар көп болсын!!!

"Өмірге ИƏ деп айт" республикалық ақпараттық науқаны бойынша тəрбие ісі жөніндегі орынбасарлары мен мектеп психологтарының ұйымдастыруымен жоспар құрылып, жұмыстар жүргізілуде. Ата-аналар мен оқушылар үшін тақырыптық стенд жасалып, "Өмір тамаша! Бос қауіпке жол берме" тақырыбында оқушылармен флешмоб ұйымдастырылды. Мектеп кітапханасында "Интернетсіз бір күн" тақырыбында кітап көрмесі жасалып, оқушылар 1 күнін кітап оқуға арнады. "Интернетте қауіпсіздікті қалай қамтамасыз етеміз?", "Баламен қарым-қатынасқа қалай түсуге болады?" тақырыптарында ата-аналарға, "Егер сен қандай да бір қиын жағдайға душар болсаң...." тақырыбында оқушыларға жадынамалар таратылды.

Мектебіміздеқауіпсіздік іс-шаралары өткізілді,5-11 сынып оқушылары аралығында су тасқыны, зілзала тақырыптарына диктант алынып, қабырға гезеттері шығарылды.

Мектебімізде "Алғыс айту" күні қарсаңында оқушылар ата-аналарына, ұстаздарына, ал ата-аналар мектебі мен бір- біріне деген ыстық лебіздерін білдіруде.

Қазақстан халқы 2016 жылы тұңғыш рет Алғыс айту күнін атап өтті. 2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойған болатын.

Алғыс айту күнін мерекелеудің жаңа дәстүрі «Мәңгілік Ел» бірлігін ортақ тарих және тарихи сана негізінде нығайту мен дамытудың мән-мәтінінде қазақстандық құндылықтарды бейнелейді.

Алғыс айту күні – ұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.

Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.

Президент Алғыс айту күні туралы: «Қазақстан халқы ассамблеясы құрылған күн – 1 наурызды жыл сайын Барлық этностардың бір біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір біріне деген достығы мен махаббатының жарқын мерекесі бола алар еді», – деген болатын.

Осы күн тағдыр тоғыстырған Қазақстанның көпэтносты халқының ортақ тарихын құрметтеу күні болады. Алғыс айту күні – қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл – репрессия мен жер аудару жылдарында біздің халық көрсеткен мейрімділік пен ақ көңілдік, қолда бармен бөлісу, көмек көрсету сынды рухани дәстүрлер күні.

Алғыс айту күні қазақстандық патриотизмнің, достық пен бірлігіміздің, мәдени саналуандығымыздың жарқын күні, себебі Елбасы 100-ден аса этностың әрқайсысы өзінің қайталанбас өрнегін салуының нәтижесінде біздің Біртұтас Ұлтымыз бірегей артықшылықтар иесіне айналғанын атап өткен еді.
Алғыс айту күні – Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні.