Сыңғырла соңғы қоңырау!
Биылғы 2018-2019 оқу жылы да өз мәресіне жетіп, мектеп бітіруші түлектерімен қимай қоштасты. Үздіктер мақтау қағаздарымен марапатталып, білімнің әр саласындағы дарабоздар алғыс хаттарға ие болды. Кеше ғана тұлымдары желбіреп, жүректері үлбіреп мектеп табалдырығынан аттаған балғындар, бүгін 11- сыныпты тәмамдап алтын ұя мектебімен қоштасты. Мерекелік шарада мектеп бітірушілерді мектеп директоры, ардагер ұстаздар мен ата- аналар оқу жылының аяқталуымен құттықтап, сәтті қадам тілеп, ұстаздар қауымына алғысын білдірді.