DataLife Engine - Softnews Media Group

0 Қанипа Омарғалиқызының республикалық  ғылыми-әдістемелік зертханасы  ШҚО ББ «Шығыс» өңірлік орталығымен  тығыз байланыста жұмыс жасап, зертхана алаңында биылғы оқу жылында қалалық, облыстық, республикалық деңгейде ұйымдастырылған вебинарларға бірлестік мүшелері де өз үлесін қосты.
   Қанипа  Омарғалиқызы Бітібаеваның жобалап оқыту технологиясы  бойынша  9 «А» сыныбының пән мұғалімі Б.Т.Елеусізова Фариза Оңғарсынованың «Өлең, мен сені аялап өтемін» тақырыбында алғашқы жоспарланған сабағы сәтті өтті. Оқушылардың  ынтасы, белсенділігі  артып,білім   сапасы  толыға түсті.Ізденімпаздыққа, дербес ойлауға, өзіндік қорытынды жасауға талпынды.Өзін-өзі оқыту,өз «Менін» табу, «Оқыту үшін оқу»  мәселелері   жүзеге  асты.

0 Рухани жаңғыру тұрғысынан   оқушылардың жеке зерттеушілік құзыреттілігін ұлттық құндылықтармен қалыптастыру,Қанипа  Омарғалиқызы Бітібаеваның республикалық ғылыми-әдістемелік зертханасын іске асыру мақсатында мектебіміздің 2021-2022 оқу жылындағы іс-шара жоспарына сәйкес   01-18 наурыз аралығында "Týǵan tilim, órkende !Bola ber, kúshti, kórkem de! " атты тақырыпта қазақ тілі мен әдебиеті пән бірлестігінің  онкүндігінің салтанатты ашылу жиыны өтті.   
Мектебіміздің оқушылары өнерлерін ортаға салып, күй шертіп, ақындардың жырларын мәнерлеп оқыды. Тіл туралы мақал-мәтелдер жатқа айтылды. 
   «Өз алдына ел болуға өзінің тілі, әдебиеті бар ел ғана жарай алатындығын біз ұмытпауға тиістіміз» деп Ахмет Байтұрсынов атамыз айтқандай, қазақ тілі - қазақ халқының рухани, мәдени байлығы, баға жетпес құнды қазынасы, асыл мұрасы екендігі айтылды.

0 М.Жұмабаев атындағы  №19 орта мектеп-гимназиясында  2022 жылдың 29 қаңтары күні «Зерде» ассоциациялық топ мүшелерінің кезекті   тәжірибе алаңы өткізілді.   Жоспарға сәйкес директордың екінші біліктілік сантты әдістемелік ісі жөніндегі орынбасары, педагог-зерттеуші, Б.Б.Сыдықова «Авторлық бағдарлама жазудың жолдары» атты  таныстырылым көрсетсе, мектебіміздің қазақ тілі мен әдебиеті пәнінің мұғалімі, педагог-шебер, «Ы.Алтынсарин төсбелгісінің» иегері С.Н.Исаева өзінің «Кемелтану» авторлық бағдарламасының тұсаукесерін өткізді.

0 М.Жұмабаев атындағы  №19 орта мектеп-гимназиясында  2022 жылдың 26 ақпаны күні «Зерде» ассоциациялық топ мүшелерінің кезекті  тәжірибе алаңы өткізілді.  Жоспарға сәйкес тарих пәнінің мұғалімі, облыстық деңгейдегі тренер, педагог-зерттеуші Н.С.Досаева «БЖБ, ТЖБ құрастырудың жолдары» атты шеберлік сағат және математика пәнінің мұғалімі, 1 деңгей курсын бітірген, «Ы.Алтынсарин төсбелгісінің» иегері М.Е.Бертісова мен 2 деңгей курсын  бітірген математика пәні мұғалімі Л.В.Базаралиналар   «Сабақ барысында қолданылатын әдіс-тәсілдердің тиімділігі» тақырыбында коучинг өткізді. 

0

0

0

0 2022 жылдың 5 қаңтар күні «Алматы облысы білім басқармасының Талдықорған қаласы бойынша білім бөлімі» мемлекеттік мекемесінің "М.Жұмабаев атындағы №19 орта мектеп-гимназиясы МДШО" КММ-сі Enbek.kz электрондық еңбек биржасына "Ағылшын тілі" пәні мұғалімдері декреттік демалысқа шығуына байланысты уақытша бос лауазымына конкурс жарияланды. Конкурс Қазақстан Республикасы Білім және ғылым министрінің 2021 жылғы 19 қарашадағы № 568 және ҚР Еңбек және халықты әлеуметтік қорғау министрінің 2021 жылғы 22 қарашадағы № 432 бірлескен бұйрығына сәйкес ұйымдастырылды. Конкурсқа қатысушы педагогтер назарына: уақытша бос лауазымға тағайындау қағидалары жоғарыда аталған бұйрықтың 10-11 қосымшалары негізінде қарастырылады. Конкурстың өту уақыты: 09.01.2022 жыл сағат: 10:00. Қажетті қосымшаны көрсетілген сілтеме бойынша алуларыңызға болады
https://adilet.zan.kz/kaz/docs/V1200007495
1-параграф. Мемлекеттік білім беру ұйымдарының педагогтерін лауазымға тағайындауға конкурс өткізу тәртібі
106. Конкурсқа қатысуға құжаттарды қабылдау конкурс өткізу туралы хабарландыру жарияланған соңғы күннен бастап жеті жұмыс күні ішінде жүргізіледі.
107. Конкурсқа қатысуға ниет білдірген адам хабарландыруда көрсетілген құжаттарды қабылдау мерзімінде келесі құжаттарды электрондық немесе қағаз түрінде жолдайды:
1) осы Қағидаларға 10-қосымшаға сәйкес нысан бойынша қоса берілетін құжаттардың тізбесін көрсете отырып, Конкурсқа қатысу туралы өтініш;
2) жеке басын куәландыратын құжат не цифрлық құжаттар сервисінен алынған электронды құжат (идентификация үшін);
3) кадрларды есепке алу бойынша толтырылған жеке іс парағы (нақты тұрғылықты мекенжайы мен байланыс телефондары көрсетілген – бар болса);
4) Педагогтердің үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
5) еңбек қызметін растайтын құжаттың көшірмесі (бар болса);
6) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген нысан бойынша денсаулық жағдайы туралы анықтама (Нормативтік құқықтық актілерді мемлекеттік тіркеу тізілімінде № 21579 болып тіркелген).
7) психоневрологиялық ұйымнан анықтама;
8) наркологиялық ұйымнан анықтама;
9) Ұлттық біліктілік тестілеу сертификаты (бұдан әрі – ҰБТ) немесе педагог-модератордың, педагог-сарапшының, педагог-зерттеушінің, педагог-шебердің біліктілік санатының болуы туралы куәлік (болған жағдайда).
10) 11-қосымшаға сәйкес нысан бойынша педагогтің бос немесе уақытша бос лауазымына кандидаттың толтырылған Бағалау парағы.
108. Конкурсқа қатысушы бар болған жағдайда біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми/академиялық дәрежелер мен атақтар беру, ғылыми немесе әдістемелік жарияланымдар, біліктілік санаттар туралы құжаттардың көшірмелері, алдыңғы жұмыс орнының басшылығынан ұсынымдар) ұсынады.
109. Осы Қағидалардың 107-тармағында көрсетілген құжаттардың біреуінің болмауы құжаттарды кандидатқа қайтару үшін негіз болып табылады.
111. Қазақстан Республикасының қолданыстағы заңнамасына сәйкес жұмысқа орналасуға тыйым салатын сыбайлас жемқорлық қылмыс және/немесе қылмыстық құқық бұзушылық және/немесе педагогикалық әдеп нормаларын бұзу туралы мәліметтер анықталған жағдайда, педагог конкурстың кез келген кезеңінде шеттетіледі.
113. Конкурстық комиссия кандидаттар құжаттарының біліктілік талаптарға сәйкестігін қарау нәтижелері бойынша, сондай-ақ осы Қағидаларға 11-қосымшаға сәйкес Бағалау парағында көрсетілген балдарды есептеуді жүзеге асырады.
114. Конкурс қорытындылары бойынша шешімді конкурстық комиссия жинаған балл негізінде қабылдайды.
Конкурсқа қатысуға үміткер Комиссияның қарауына оның кәсіби жетістіктері, Біліктілігін арттыру, ғылыми зерттеулер, өзінің педагогикалық тәжірибесін қорыту, наградалары туралы кез келген құжатпен расталған ақпаратты, тиімділік көрсеткіштеріне қол жеткізу туралы ақпаратты ұсына алады.
Құжаттар 040000, Қазақстан Республикасы, Алматы облысы, Талдықорған қаласы, "Мүшелтой" шағын ауданы №14, «Алматы облысы білім басқармасының Талдықорған қаласы бойынша білім бөлімі» мемлекеттік мекемесінің
«М.Жұмабаев атындағы №19 орта мектеп-гимназиясы МДШО" коммуналдық мемлекеттік мекемесі, қабылдау бөлімі, мекен-жайы бойынша хабарландыру ресми жарияланған күннен бастап 7 (жеті) жұмыс күні ішінде тапсырылуы тиіс, электорнды пошта мекенжайы: schn19_ga@mail.ru 
Анықтама үшін телефон: 8 (728) 25-44-52 

0 Жаңа жыл мерекесі жақындап келеді. Осы кезде отшашулар секілді пиротехникалық заттарды дұрыс пайдаланбау салдарынан, сондай-ақ олардың сапасыздығынан өрт шығып, адамдар жарақат алып жатады. Мұндай жағдайлардың алдын алу үшін мектеп инспекторы А.Ерденбекова  тәрбие бөлімімен бірлесіп мектебіміздің 1-11 сынып оқушыларына «Пиротехника» жедел-профилактикалық түсіндіру жұмыстарын жүргізді.

0 Құрметті әріптестер, Тәуелсіздігіміздің 30 жылдығына орай, «Жасампаздыққа толы жылдар» аясында қаламыздың әлеуметтік-экономикалық дамуына қосқан үлесі үшін мектебіміз қала Әкімінің Құрмет грамотасымен және ескерткіш сыйлықпен марапатталды. Барлықтарыңыздың мектептің жетістігіне қосқан үлестеріңіз ұшан-теңіз, мектебіміздің  мерейі үстем, мәртебесі қашан да биік болсын!!!